嘩!!! 有大隻佬煮麵俾我食呀!!!

一個人在旺角街頭，除了大大少少的茶餐廳之外，最好的午餐地點，就是找一間麵檔，快快趣食碗麵。大家若有心細數一下，旺角、太子、油麻地一帶，其實好多有質素的麵檔為廣大的市民，煮一碗好麵。

是日在旺角，我想起的是位於黑布街的《大隻佬麵家》。《大隻佬麵家》的前身，叫《龍記麵家》，舊店因加租等等的問題而結業。後來經過一段時候休養生息，重整旗鼓，用顧客給予老闆賴師傅的花名 "大隻佬" 為名，就在舊店的對面，開了一間時髦的新店。

店子算是很潮，充滿了明星的台照，也有一個 :大假佬"畫像坐陣店面。而我也在好多年前去過舊店，以傳統老牌巷仔麵檔與現在的粉麵餐廳去對比，絕對是一個大大的不同。升格了許多。當然，價錢也升格了不少。

打開 menu，發覺價錢已經要40幾一碗麵，不過，既然是慕名而來，當然要食啦。於是，我先叫了一個雲吞豬手麵。豬手，是《大隻佬》的其中一個名物，一吃入口，我可以說是又香又腍，而雲吞很重蝦味同大地魚的香味，粗麵又夠爽，單是以味覺感受來寫感想，是好的，但以份量層面來寫感想，就.....唔夠喉啊.....

唔夠飽，咁我就加點了一份牛腩撈麵。牛腩味道濃，當然，夠腍也是令人感開心的。不需要什麼什麼腩汁，味道已經可以滲入麵條之中，也不需要加湯汁，單是以牛腩的味道，已經夠味去 support 整個麵。

相比份量同價錢來說，的確，性價比唔係幾高下。但若是不計較價錢，單是以味道來評價這兒的麵食，阿《大隻佬》的出品，是 very good 的。

嘩!!! 有大隻佬煮麵俾我食呀!!!...不過，我覺得貴左少少同份量細左少少囉。

餐廳名稱：大隻佬麵家
地址：旺角黑布街97號地下